जानकारी सम्बन्धमा ।
उपर्युक्त सम्बन्धमा यस कौशल ई.बोर्डिङ्ग स्कूल तारकेश्वर –०८, मनमैजुमा अध्ययनरत यहाँका बाबुनानीहरुको शैक्षिक सत्र २०७६ को वार्षिक परिक्षाको समाप्ती सँगै यो शैक्षिक सत्रको पनि अत्यन्त सफलतापूर्वक समापन हुन लागिरहेको कुरा सहर्ष जानकारी गराइन्छ । यस वर्षको अन्तिम परीक्षाको परीक्षाफल वार्षिक शैक्षिक क्यालेण्डरमा तोकिए भन्दा एक हप्ता अगाडि २०७६ चैत्र २२ गते शनिबार बिहान ठिक ९:३० बजे प्रकाशन गरिने कुरा जानकारी गराइन्छ । साथै सोहि दिनबाट नयाँ शैक्षिक सत्र २०७७ को लागि भर्ना लिइने तथा सो दिन भर्ना हुने विद्यार्थीहरुलाई भर्ना शुल्कमा विशेष छुटको व्यवस्था समेत गरिएको हुँदा सोहि दिन आफ्ना नानीबाबुहरुलाई भर्ना गरि सहयोग गरिदिनुहुन सविनय अनुरोध गरिन्छ । आफ्ना बालबालिकाहरुको भर्ना संख्याका आधारमा मात्र नयाँ विद्यार्थीहरुको सिट निर्धारण गरि भर्ना खुल्ला गर्नु पर्ने स्थिति भएकाले यहाँहरुलाई विनम्रतापूर्वक तोकिएको दिनमा आफ्ना बालबालिका भर्ना गर्न तथा छुट प्राप्त गर्दै फाइदा लिनुहुन अनुरोध गरिन्छ । अत्यन्त सिमित विद्यार्थीहरुले मात्र नयाँ भर्नाको अवसर पाउनेहुँदा यहाँका आफन्तजन तथा छिमेकीका बालबालिकाहरु समेतको भर्ना सकेसम्म छिटो गराई सिट सुरक्षित गर्नुहुन अनुरोध गरिन्छ । विगत वर्षमा जस्तै विद्यार्थीको सर्वाङ्गिण विकास तथा गुणस्तरीय शिक्षा प्रदान गर्ने कुरामा प्रतिवद्ध रहेको जानकारी गराउँदै नयाँ शैक्षिक सत्रको लागि क्यालेण्डर समेत भर्नाकै दिनमा वितरण गरिने कुरा समेत जानकारी गराइन्छ ।
अन्तमाः विश्वव्यापी रुपमा फैलिएको कोराना भाइरसको माहामारीबारे पूर्ण जानकारी लिँदै आफ्नो र आफ्ना बालबालिकाको स्वास्थ्य प्रति अत्यन्त सजग रहनुहुन अनुरोध गर्दै आउँदै गरेको नयाँ वर्ष २०७७ सालको हार्दिक मंगलमय शुभकामना व्यक्त गर्दछौँ । धन्यवाद !
प्रिन्सिपल
तथा कौशल स्कुल परिवार
